టాప్ టెన్ తెలుగు టపాలు.

ఈ నెలలో వచ్చిన పది మంచి టపాలని పరిచయం చేయాలనేది ప్రయత్నం. కానీ అదెంతో కష్టం అని నాకు తెలుసు. ఎందుకంటే ఇదివరలో ఈ పనిని నేను పెట్టుకున్నాను. గత సంవత్సరం చివరలో నేను/మేము చూసిన టపాల్లోంచీ బెస్ట్ అనుకున్న వాటిని అక్కా, నేనూ, పెద్దమ్మా, పెద్ద నాన్నా, అమ్మా కలసి జాబితా తీశాము. దాని కోసం ఎన్నో టపాలనీ, బ్లాగులనీ చదవాలి. అదొక్కటేనా? వాటిలోని మెరిట్ స్ నీ, డీ మెరిట్ స్ నీ ఎంచాలి. బేరీజు వేయాలి. ఆ జాబితా చేయటానికే... సెలవల్లో ఉన్న అక్క, పెద్దమ్మా, ఆదివారం నాడు పెద్దనాన్నా, కూచుంటేనే ఒక వారం పట్టింది.

అయినా మా ప్రయత్నం వృధా పోలేదు. ఉన్నంతలో మంచి టపాలు వచ్చాయి. వస్తు వైవిధ్యం, artistic merits, literary merits, (కొంచం ఎక్కువైందా?) అన్నింటినీ ఆలోచించి, కొందరు పెద్దలవి తప్పించి (పెద్దలవి అందరికీ తెలుస్తాయి. అదీకాక మేము ఆ సంవత్సరం మొదలైనవి మాత్రం ఎంచుకున్నాము అప్పుడు) అందుకే కొన్ని అన్నోన్ మాస్టర్ పీసెస్ కాకపోతే నేను చూసిన.

పరిధి తక్కువ కనుక అంతకన్నా మంచి టపాలు మిస్ అయి ఉండవచ్చు.

నేను చూసిన పరిధి తక్కువ. అందుకే ఇంకా మంచి టపాలని మిస్ అయి ఉండవచ్చు.

వీలైనంతలో నిష్పాక్షికంగా, కొన్ని ప్రమాణాలని దృష్టిలో ఉంచుకుని ఎంపిక చాయాలని నా ఆలోచన. వస్తువైవిధ్యం ఉండాలనీ నా ప్రయత్నం. కానీ చేయగలనా లేదా? అని ఒక భావన, భయం. కాకపోతే అనుకున్న పనిని ఎలాయినా చేసేయాలనే ఒక మొండి ధైర్యం నాకు. అందుకే అలా దూకేశాను. ఈ విషయం లో జ్యోతి (గారు) నాకు చాలా సహాయం చేశారు. నా బ్లాగుని అలంకరించతమే కాక, ఈ విషయం లో ప్రోత్సహించారు.

ఇక టపాల విషయానికి వద్దాం. (One to ten or Ten to one order కాదు).


అత్త తిట్టినందుక్కాదుగానీ...తోడికోడలు నవ్వినందుకు ఈ మంట

కత్తి గారు రాసిన ఈ టపాతో జాబితా మొదలు. ప్రత్యేకం గా చెప్పాలా? అందరూ చదివే ఉంటారు. మళ్ళీ ఒకసారి చూడండి. ఈ మధ్య అతిగా ఓవర్ రేటెడ్ ఐన Slumdog Millionaire గురించి, Arvind adiga వ్రాసిన ది వైట్ టైగర్ మీద వస్తున్న విమర్శల పైన వారిదైన శైలిలోవ్యాఖ్యానించారు.


ఈ కధ కు శీర్షిక ఏమ్ పెట్టనబ్బా ?????

ఈ మధ్యన నేను ఎక్కువగా చదువుతున్న బ్లాగుల్లో ఇది కూడా ఒకటి. చక్కటిhomely శైలిలో రాస్తున్నారు. చకగా నవ్వించి చివరలో ఒక సందేశమో... లేకపోతే ఒక చిన్న ట్విస్టొ ఇస్తూ గుర్తున్దేలాంటి టపాలు వ్రాశారు.

డబ్బు వల్లో చిక్కిన జీవితం!

దేనిగురించో అర్ధం అయి ఉంటుంది. సుజాత గారు రాసిన టపా. ఈ మధ్య ఎక్కువగా రాయటం లేదు. వారి ఫ్రెండ్ మరణం గురించి రాసింది కూడా కన్సిడర్ చేశాను కానీ ఇది కాస్త నచ్చింది. Personal favorite. అయినా క్వాలిటీ మిస్ కాలేదు. :-)

ఈ మధ్య ఒక మంచి రీవ్యూ కూడా కొట్టేశారు.

సుజాత గారి ఇడ్లీ కి ఆ రీవ్యూ పచ్చడి కూడా చాలా బాగుంది.

అప్పుడేం చేస్తారు?

మనకి తెలియని వ్యక్తీ కాదు, మనం చదవని టపా కాదు. అయినా ఆలోచింప చేస్తుంది కనుక మరో సారి అలా ఓ లుక్కేద్దాం. ఎంతో ఆలోచింప చేసిన టపా.
గ్లోబలైజేషన్-ఇండియా- అమెరికా....

మధురవాణి గారు ఏమీ రాయలేదు. జస్ట్ అలా అందించారు. మంచి లింక్. మంచి పోస్ట్. అంతే. బాంది కదా?

ఎక్కువ మంది చూడలేదు.

సంబరం... Celebration of life 
(ఎక్కువ మంది చూడలేదు కనుక ఒక చిన్న విశ్లేషణ).

జాబితాలోని తొలి కవిత. కవిత కుదరలేదని కవయిత్రి అన్నారు. కుదిరిందో లేదో పెద్దలే నిర్ణయించాలి. కానీ నాకు మాత్రం ఒకటి 'అర్ధం' అయింది. తెలుగులో అనువదించిన సృజన గారూ, ఆంగ్లం లో అంత aggressive style లో రాసిన వారి 'తను' గారూ జీవితాన్ని ఎంతగా ప్రేమిస్తారో అని.

చివరి వాక్యాలు చూడండి...

"అప్పుడర్ధమైంది నాకు
జీవితమంటే ఎదో కాదని...
అది ఒక కలల పందేరమని,
అంబరాన్నంటే సంబరమని."

క్రింద ఇచ్చిన ఆంగ్ల ఒరిజినల్ మొదటి లైన్లూ, వ్యాఖ్యలో వచ్చిన చివరి వాక్యాలూ...

Worth read.


Darwinism and “Anti-Darwin”ism


"I was wondering why people lose credibility despite the fact that they researched a lot - just by beginning to criticize others. Criticism isn’t as bad as it appears to be. But, irrational criticism is. "

అంటూ సౌమ్య గారు రాసిన ఆ ఆంగ్ల టపా తప్పక చదవదగ్గది. Darwinism మీద ఇచ్చిన వీడియోలు బోనస్. ఎందుకో ఎక్కువ మంది చూసినట్టు లేదు. An amazingly good post.

"one of the takes is too desperate to prove the other is wrong, instead of showing that they are right……" ఆలోచించ దగ్గ మాటలు.


"అవునసలు ఆకాశమే అందమైన అతివ ఎందుకు కాకూడదు?"

"సరిగంచు చుక్కల బుటాపట్టు చీరలు, చందమామ సింధురాలు,క్రిందున్నవారి రాయబారాలు మోసుకెళ్ళేటి పక్షిగుంపు బారులు,మెరుపు కలల జవాబులు, వలపు తాలూకు ఎర్రెర్రని తనువు అందాలు."అంటూ మరువం ఉష గారు రాసిన కవిత ఈ లిస్టు లో రెండో కవితా ఎంట్రీ.. చాలా బాగుంది.



'పల్లేటి' -- చెదరని, ఎప్పటికీ చెరిగిపోని ఒక జ్ఞాపకం....


నేను చెప్పేకన్నా మీరే చదవండి. మంచి టపా. శేఖర్ గారి టపా ఎన్నో అనుభూతులని కలిగిస్తుంది. బాగానే చదివారు.



ఈ క్రింది టపా గురించి చెప్పేదేముంది?

మీకు తెలుసుగా. :-)


చదువరి గారి నేను చదివిన patrikalu.

ఇదండీ ఈసారి లిస్టు. ప్రతినెలా ఇరవై ఐదు నుంచీ ముప్పై మధ్యలో ఇవ్వటానికి ప్రయత్నం చేస్తున్నాను. ఇప్పుడు అంత బాగా కుదరలేదని పిస్తే మన్నించండి. ముందు ముందు బాగా రాయటానికి ప్రయత్నిస్తాను.


ఇవే కాక మరో మూడు టపాలూ కన్సిడర్ చేశాను. అవి వివిధ కారణాల వల్ల ఎలిమినతె అయ్యాయి అంత మాత్రాన బాలేవని కాదు. అవీ ఎన్నదగ్గవే.


నాలో నేను సుజ్జి రాసిన కవిత. మరీ pathetic గా ఉంది. అందుకే వదిలేశాను. But beautiful lines.

శ్రీవిద్య గారి రీసెంట్ టపా. పెట్టేదాన్నే కానీ పల్లేటి నన్ను వెంటాడింది. అందుకే అలా వదిలేశాను.

"విజయ విశ్వనాథం " సీరీస్ లో వచ్చిన నవతరంగం వ్యాసం భలే టెక్నిక్. ఆ సీరీస్ ఒక ప్రయోగం. కానీ కేవలం బ్లాగులకే పరిమితం అనే నియమం వల్ల అది ఆగిపోయింది.

Improvement కోసం మీ సలహాలూ, సూచనలూ ఇవ్వగలరని మనవి.

అక్క పెళ్ళితో నా బాధ్యత తీరింది.

ఎన్నో ఏళ్లుగా నా కళ్ళలో కుంకుడుకాయ రసంలా ఎంతో భారంగా ఉన్న మా అక్క పెళ్లి ఈ మధ్యనే అయింది. ఈ మధ్యనే అంటే ఎలక్ట్రానిక్ మధ్యనే అని కాదు. కొన్నాళ్ల క్రితం అయింది. దాంతో నా బాధ్యతా తీరింది. ఇక నాకు లైన్ క్లియర్.

అసలు పెళ్ళే వద్దన్నది ఇప్పుడు మాత్రం చాలా హ్యాపీగా ఉంది. సరే. ఇంతకీ పెల్లెప్పుడైన్దంటారా? ఈ ఫిబ్రవరి 27 న విజయవాడలో. తరువాత మేమందరం కంచి వెళ్ళాం. అది మా నాయనమ్మ సొంతవూరు.

చాలా కాలానికి ఇండియా కి వచ్చానన్న సంతోషం ఒక ప్రక్క, అక్క కి పెళ్ళి వెళ్లి పోతుందనే బాధ మరో పక్కా, మంచి కుటుంబంలోకి వేల్తోండానే ఆనందం ఇంకోవైపూ... ఇలా ఇదంతా mixed emotions. మొత్తానికీ నా స్టైల్ లో ఏడవకుండా (నాకు ఏడుపంటే యాక్.) ఎలాగోలా (అబ్బ. గోలంటే గోల కాదండీ బాబూ. ఎలాగో అలాగా) నడిపించి మొత్తానికీ కుంకుడు కాయ రసం కదిగేసుకున్నాను.

మామూలుగా పెళ్ళంటే... బంధువులూ, ఫ్రెండ్సూ వస్తారు. కానీ ఈ సారి కొత్తదనం (మిస్సయిందనుకొండీ) తెలిసిన బ్లాగర్లని పిలవటం. మాకు ఎవరూ అంతగా తెలియదు. రాసేదే తక్కువ. చూసేది ఎవరు? అంటే ఏమిచేయగలం? నవ్వుకోవటం తప్ప.

అందుకే నేను సీనియర్ బ్లాగర్ జ్యోతికి తెలియజేశాను. (సారీ జ్యోతి గారు). వారు ఎంతో వేగంగా స్పందించి అక్కకి ఆశీస్సులు, విషెస్ అందించారు. అందుకు కృతజ్ఞతలు.

ఇంతలో అక్క క్లాస్ మేట్ ప్రీతీ కతియా వచ్చింది. వాళ్ల అన్నయ్యతో కలసి. దాంతో అక్కకి గీతాచార్య గారు గుర్తుకు వచ్చి ప్రీతీ చేత ఆయనకీ ఫోను చేయించింది. (ఆయన ప్రీతీ గారి ఫ్రెండ్ ట. ఒకసారి ఆయనని అక్క వాళ్ల ఇంట్లోనే accidental గా మీట్ అయిందట. శుభలేఖ పంపిందనుకోండి). internal exams హడావిడిలో ఉండి రాలేక పోతున్నానని చెప్పి ఫోనులోనే శుభాకాంక్షలు చెప్పారు. బావగారు కూడా ఫోనులో మాటాడితే ముందు చెప్పి ఉంటే వంటల పుస్తకం పంపేవాడిని అని జోక్ చేశారు.

ప్రీతీ వాళ్ళకి మా అయ్యంగార్ల పెళ్లి బాగా నచ్చిందని అన్నారు. అన్నీ సంప్రదాయప్రదంగా జరిగినా ఎవరికీ బోరు లేకుండా బాగా సరదాగా జీవితాంతం గుర్తు ఉండేలా జరిగింది. అలా నా బాధ్యత అంతా తీర్చుకుని ఊపిరిపీల్చుకున్నాను.

మా సంప్రదాయం ప్రకారం ముందుగా కంచి వరదరాజ పెరుమాళ్ ఆశీస్సులకోసం మరునాడే కంచి వెళ్ళాం. అక్కడో చిన్న సర్ప్రైజ్ ఎదురైంది. మా బ్లాగు గురించి సెప్టెంబర్ 25 న ఆంధ్రజ్యోతిలో వచ్చినట్టు ఎవరో మా బ్లాగులోనే ఎవరో చెప్పారు. దాని గురించి మాకు బాగా ఆలస్యంగా తెలియటంతో మాకు ఆ పేపరు దొరకలేదు.

మేము కంచికి బయలుదేరి వెళ్ళే సమయంలో ప్రీతీ వాళ్ల అన్నయ్య వచ్చి అక్కకని ఒక చిన్న కవర్ ఇచ్చారు. అందులో ఒక పేపర్ ఉంది. అది మా బ్లాగు గురించి ఆంధ్రజ్యోతిలో వచ్చిన క్లిప్పింగ్ ఫొటోస్టాట్. దాని మీద విత్ బెస్ట్ విషెస్ ఫ్రం గీతాచార్య అని ఉంది. మాకు ఆశ్చర్యం.

"నిన్న కాలేజీ నుంచీ వచ్చాక లైబ్రరీకి వెళ్తే అక్కడ ఐడియా వచ్చి ఫొటోస్టాట్ తీసి మా విని చేత పంపాడు. వాడికి అది అలవాటే. సడన్గా సర్ప్రైజ్ చేస్తాడు." అని వెళ్లి పోయారు.

మాకూ ఎన్ని చదివింపులు వచ్చినా, ఎందరు ఎన్ని గిఫ్ట్ లు ఇచ్చినా ఇది మాత్రం నిజంగానే ఒక సడన్ ప్లెజెంట్ సర్ప్రైజ్. ఎందుకంటే దానిలో మెన్షన్ చేసింది మా నాన్న గారి గురించి రాసిన టపా గురించి. అందుకు వారికి బ్లాగ్ముఖం గా కృతజ్ఞతలు.

అలా ఎన్నో ఆనందాలని అందించి, నా బాధ్యతని తీరిన (చేసిందంతా వాళ్ల నాన్నే అయినా దగ్గర ఉంది చేయించింది (అల్లరి) అంతా నేనేగా. ;-)) ఆ రోజుని నేను ఎప్పటికీ మరువలేను.

పెళ్ళిలో జరిగిన సందడీ, కంచి విశేషాలూ మరో టపాలో.

ప్రియ అయ్యంగార్.