అక్కకి పెళ్లి కుదిరిందోచ్!

నాకు శుభవార్త అయినా అక్క మాత్రం బ్యార్ మంది. ఫోనులో విషయం చెబ్తూ. ఇంతకీ విషయం ఏంటే అన్నాను. అప్పుడు మొదలైంది దాని సోది. చావ కొట్టి చెవులు మూసిందంటే నమ్మొద్దు. ;-)

ఈ మధ్య నేను వర్క్ లో బాగా బిజీ గా ఉన్నాను. దానితో మా మధ్య కమ్యూనికేషన్ తగ్గింది. అసలు ఈ మధ్య వేరే ప్పనేదీ చేయటానికి సమయం చాలటంలేదు. కానీ మొన్న అంటే నిజంగానే మొన్న నాకు కొంచం తీరుబడి చిక్కింది. హాయిగా చలిగా ఉంటే ఒక రగ్గు కప్పుకుని వేడి వేడి కాఫీ తాగుతూ, Serendipity సినిమా చూస్తూ కూచున్నాను. ఇంతలో నాకు ఫోను. ఉంది చాలాసేపు లిఫ్ట్ చేయలా. మొగీ మొగీ నాకు విసుగొచ్చి తీశాను.


"కొంపలంటుకున్నాయే హరీ! దేవుడు లేడు. ఉంటే నాకింత అన్న్యాయం చేయడు."

"ఏమైన్దక్కా?"

"ఇంకేం కావాలే! నాకు మ్యారేజ్ ఫిక్స్ చేశారు."

"అందులో కొంపలంటుకోవటానికి ఏమున్నది? శుభవార్త చెప్పావు."

"ఏముందా? అసలు నీకేమి తెలుస్తుందే. పని పిచ్చి ఎక్కువున్న దానివి. పెళ్ళంటే సామాన్యమా? ఎన్ని బాధ్యతలు మన ముందుకు వస్తాయి? దాని సంగతి సరే! ప్రతీ దానికీ మొగుడు చెప్పినట్టు వినాలి........"

దాని వాక్ప్రవాహానికి అడ్డు తగిలి, "వినాలంటే అందరూ అలాగే ఉండరుగా?"

"అందరూ నాకు తెలీదు. మళ్ళీ అత్తగారి మాటలూ వినాలి."

"అబ్బ! నీ సోదేంటే? అత్తగారి మాటా వినొద్దు. మొగుడి మాటా వినొద్దు. Mutual understanding ఉండాలి కానీ ఈ పిచ్చి సంగతులు ఏమిటి? నచ్చితే చేసుకో. లేకపోతేపెద్ద నాన్న తో విషయం మాట్లాడు."


"నచ్చటం, నచ్చకపోవటం కాదే! పెళ్ళైతే నేను వంట చేయాల్సి వస్తుంది."

అద్దీ అస్సలు సంగతి. మొత్తానికీ బయట పెట్టింది. దానికి వంట చేయాలంటే భయం. బద్ధకం. ఎందుకంటే ఒకసారి చిన్నప్పుడు ఏదో చేయాలని ఏదో చేసి చెయ్యి కాల్చుకుంది. అది కాదు. పెద్ద మంట పెట్టి పిచ్చి ప్రయోగం చేస్తే వాళ్ల అమ్మ మీద నూనె పది కాళింది. దాంతో పెద్దమ్మ వీపు మీద ఒక వేడి వేడి దోశ వేసింది. అంతేనా? మా పెద్ద నాన్న చట్నీ చేసి పెట్టాడు. దెబ్బతో అది వంటంటే కడివెడు సాంబారు కార్చేస్తుంది. అదన్న మాట సంగతి.

అందుకే ఈ మధ్య అక్క "వంట వచ్చిన వాడే మొగుడు" అనే నినాదాన్ని ఎత్తుకుందట. పెద్దమ్మ చెప్పింది.

చాలా రోజులైంది కదా! అందరికీ ఒక హలో!

ప్రియ అయ్యంగార్.